Agaasimaha la dagaalanka burcad badeedka Puntland Mudane C/risaaq maxamed Dirir ayaa kusii jeeda MALE, Maldives oo ay ku xiranyihiin dhallinyaro Soomaali ah oo gaaraya 40.
Agaasimaha ayaa sheegay in dhalintaasi qaarkood ay xirnaayeen illaa iyo 2009. Wuxuu kaloo yiri ” Haddii Rabbi raalli ka noqdo, dhallintaas waa la soo deyndoonaa, waana aan soo kaxayn doonaa, waxayna ka soo degi doonaan Puntland” .
Agaasimaha ayaa Berri Subax oo Axad ah 8eeda , ka degi doonaa Male, Maldives, isagoo markiiba u gudbi doonaa xabsiga ay ku xiran yihiin dhallintu, si uuu soo booqdo, uguna wargaliyo safarkooda Soomaliya loo celin doon.
Agaasimaha ayaa Puntlandpost u sheegay in Dhallinyaradaas aan loo haysan inay burcad ahaayeen ee loo haystey inay kalluumaysato dalka sharci darro ku soo gashay ay ahaayeen.
Ducaysane ayaa sheegay in farxad weyn ay tahay in dhallintaasi ay xor yihiin marka uu u tago, haddii dalkii ay tagaana aysan mar danbe arki doonin Wax Xarig ah.
Agaasimaha la dagaalanka burcad badeedka Mudane C/risaaq Axmed Dirir ayaa sheegay in aysan ahayn markii ugu horrewysey ee uu soo booqdo dhallintan, hadda ka hor bishii Novemeber ee 2011 ayuu agaasimuhu booqday.
Puntland ayaa loo aqoonsan yahay deegaanka kaliya ee Soomaaliyeed oo si wanaagsan ulla dagaalamay burcad badeedka , isla markaana marar badan lagu soo wareejisay dhalinyaro soomaaliyeed oo ku caddibnaa Xabsiyada Afrika iyo Aasiya.
Puntlandpost.com